چین کی سلامتی ہماری سلامتی ہے، گیلانی

Posted: 02/04/2012 in All News, China / Japan / Koriea & Others, Important News, Pakistan & Kashmir

وزیراعظم یوسف رضا گیلانی نے کہا ہے کہ چین کا دوست پاکستان کا دوست ہے  چین کی سلامتی ہماری سلامتی ہے  پاکستان ایران گیس پائپ لائن منصوبے میں چینی تعاون کا خیر مقدم کرے گا۔ ان خیالات کا اظہار انہوں نے چین کے شہربائو میں چین کے نائب وزیراعظم لی کیکیانگ سے ایک ملاقات کے دوران کیا۔ انہوں نے کہا کہ وہ ذاتی طور پر پاکستان میں چینی شہریوں کے تحفظ کو یقینی بنانے کے اقدامات کی خودنگرانی کررہے ہیں  پاکستان چین کے ساتھ صنعت و تجارت  توانائی و زراعت  اور گیس کی تلاش کی تلاش کے شعبوں میں تعاون کو وسعت دینے کا خواہاں ہے ۔ انہوں نے کہا کہ چین پاکستان میں بے نظیر بھٹو میڈیا یونیورسٹی کے قیام کے لئے تعاون کرے۔ عالمی اور علاقائی امور کا ذکر کرتے ہوئے انہوں نے کہا کہ امریکہ کے ساتھ تعلقات پالیسی احترام اور مفاد پر مبنی ہوں گے اور اس حوالے سے پاکستان کی خود مختاری پر کوئی سمجھوتہ نہیں کیا جائے گا۔ چین کے ایگزیکٹو وزیراعظم نے عالمی سطح پر پاکستان کے کردار کو سراہا۔ انہوں نے واضح کیا کہ حالات کچھ بھی ہوں چین پاکستان کی حمایت جاری رکھے گا۔

Comments are closed.