ٹارگٹ کلنگ کیخلاف مجلس وحدت مسلمین کے زیر اہتمام ماتمی جلوس و دھرنا

Posted: 31/03/2012 in All News, Important News, Local News, Pakistan & Kashmir, Religious / Celebrating News

کراچی : کوئٹہ، کراچی میں دہشت گردی کی پرزو مذمت کرتے ہیں، گورنر بلوچستان کو برطرف کیا جائے۔ چیف جسٹس پاکستان ٹارگٹ کلنگ کیخلاف اقدام کریں، حکومت ہوش کے ناخن لے ہمارے صبر کا پیمانہ لبریز ہوچکا ہے۔ دہشت گردوں کو کھلی چھوٹ ملی ہوئی ہے اگر شیعہ نوجوانوں کی ٹارگٹ کلنگ کاسلسلہ نہیں رکا تو پھر کوئی محفوظ نہیں رہ سکتا، ان خیالات کا اظہار کوئٹہ اور کراچی میں ہونے والی ٹارگٹ کلنگ کیخلاف خراسان امام بارگاہ سے نکالے جانے والے ماتمی جلوس سے مجلس وحدت مسلمین کراچی کے رہنماؤں نے اپنے خطاب میں کیا۔ انہوں نے کہا کہ موجودہ حکومت ملت جعفریہ کو تحفظ فراہم کرنے میں ناکام ہوچکی ہے، اس کے علاوہ آزاد عدلیہ بھی مظلوموں کی دادرسی کرنے میں مکمل طور پر ناکام ہوچکی ہے، چیف جسٹس پاکستان شیعہ نسل کشی کیخلاف اقدام کریں، رہنماؤں نے حکومت سے مطالبہ کیا کہ کراچی میں شہید کئے جانے والے طاہر جعفری کے قاتلوں کو گرفتار کیا جائے، نام بدل کر کام کرنے والی کالعدم جماعتوں پر پابندی لگائی جائے۔

Comments are closed.