حالات خراب کر کے ایم کیو ایم نیا صوبہ بنانے کا جواز پیدا کررہی ہے، شاہانی

Posted: 31/03/2012 in All News, Breaking News, Important News, Local News, Pakistan & Kashmir

حیدرآباد : سندھ ترقی پسند پارٹی کے وائس چیئرمین حیدر شاہانی نے کہا ہے کہ ایم کیو ایم سندھ میں حالات خراب کرکے نیا صوبہ بنانے کا جواز پیدا کررہی ہے۔ پریس کلب میں ایس ٹی پی کے مرکزی رہنماؤں ہوت خان گاڈھی و دیگر کے ہمراہ مشترکہ پریس کانفرنس سے خطاب کرتے ہوئے انہوں نے کہا کہ ٹنڈوالہیار میں مسلح افراد نے ایس ٹی پی آفس پر حملہ کرکے ایک کارکن کو شہید جبکہ دس سے زائد کارکنوں کو زخمی کردیا‘ اس موقع پر صورتحال خراب ہونے کے باوجود پولیس غائب تھی‘ بعد ازاں رینجرز پہنچی۔ انہوں نے کہا کہ مذکورہ واقعہ کسی پلاٹ کا تنازعہ نہیں تھا وہاں پارٹی کا دفتر تھا۔ انہوں نے کہا کہ سندھ کے عوام سندھ کی وحدت پر وار کسی صورت برداشت نہیں کریں گے۔ انہوں نے کہا کہ اردو بولنے والے ہمارے بھائی ہیں‘ ان کا جینا مرنا سندھ کے ساتھ ہے‘ لسانی تنظیم اردو بولنے والوں کو بدنام کررہی ہے۔ انہوں نے کہا کہ ٹنڈوالہیار اور کراچی میں دو کارکنوں کی شہادت کے بعد بھی ایس ٹی پی اپنے کارکنوں کو پرامن رہنے کی تلقین کررہی ہے‘ ہمارے لئے سندھ کی یک جہتی و امن اہم ہے

Comments are closed.