اٹلی: معمر قذافی کے خاندان کے ایک ارب سے زائد کے اثاثے ضبط کرلئے گئے

Posted: 31/03/2012 in All News, Important News, Tunis / Egypt / Yemen / Libya, USA & Europe

میلان: اٹلی میں ٹیکس پولیس نے انٹرنیشنل کریمنل کورٹ کی ہدایت پر لیبیا کے سابق صدر معمر قذافی کے خاندان کے ارکان کے ایک ارب 10 کروڑ یورو(ایک ارب46کروڑڈالر) کے اثاثے، بشمول اٹلی کی نمایاں کمپنیوں کے حصص ،بینک ڈپازٹس اور موٹر بائیک ہارلے ڈیوڈسن ، ضبط کرلئے ہیں۔برطانوی خبررساں ادارے کے مطابق گذشتہ روز ایک بیان میں پولیس کا کہنا ہے کہ ضبط کئے گئے اثاثوں میں اٹلی کے سب سے بڑے بینک یونی کریڈٹ میں حصص،تیل وگیس کے بڑے ادارے ای این آئی ،دفاعی ادارے فن میکانیکا ،کاربنانے والی کمپنی فیٹ،ٹرک بنانے والے ادارے فیٹ انڈسٹریل اورتورین میں قائم فٹبال کلب جوینٹس میں حصص شامل ہیں۔ بیان میں کہا گیا ہے کہ ان تمام متعلقہ کمپنیوں اوراداروں کو نوٹس بھیج دیئے گئے ہیں۔ لیفٹیننٹ کرنل گاوینوپٹوزونے خبر رساں ادارے کو بتایا کہ تمام ضبط کئے گئے اثاثے لیبیا کے خودمختارفنڈ،لیبین انوسٹمنٹ اتھارٹی ،میں قذافی خاندان کی طرف سے رکھے گئے تھے

Comments are closed.