قتل و غارت اور توڑ پھوڑ کی سیاست کسی کے مفاد میں نہیں، مولانا اکرام ترمذی

Posted: 30/03/2012 in All News, Local News, Pakistan & Kashmir, Religious / Celebrating News

کراچی (پ ر) تحریک حسینیہ پاکستان کے مرکزی صدر مولانا اکرام حسین ترمذی نے کہا کہ قتل و غارت گری اور توڑ پھوڑ کی سیاست کسی کے مفاد میں نہیں۔ بے گناہ اور نہتے عوام کا خون بہانے والے کسی قسم کی رعایت کے مستحق نہیں۔ حکومت وقت نے خوں خوار درندوں کیخلاف کارروائی نہیں کی تو پورا ملک دہشت گردی کی لپیٹ میں آجائے گا۔ انہوں نے مزید کہا کہ سیاسی اور مذہبی جماعتیں شہر میں امن کے قیام میں مدد کریں کیونکہ بدامنی سے ملک کی ترقی متاثر ہورہی ہے اور ہر شخص اپنے آپ کو غیر محفوظ سمجھ رہا ہے۔ انہوں نے گزشتہ دنوں ہلاک ہونیوالوں کیلئے دعائے مغفرت اور فاتحہ خوانی جبکہ زخمیوں کی صحت یابی کیلئے دعا کی۔

Comments are closed.