سعودی حکومت نے نوجوانوں کو اکیلے شاپنگ مالزمیں جانیکی اجازت دیدی

Posted: 28/03/2012 in All News, Amazing / Miscellaneous News, Saudi Arab, Bahrain & Middle East

ریاض:  سعودی عرب کی حکومت نے نوجوانوں کے اکیلے شاپنگ مالز اور مارکیٹوں میں جانے پر عائد پابندی ختم کردی ۔ سعودی میڈیا کے مطابق ریاض کے گورنر شہزادہ شیطام بن عبدالعزیز نے اعلان کیا ہے کہ اکیلے مردوں پر شاپنگ مارکیٹوں میں خریداری پرعائد پابندی ختم کی جا رہی ہے اور اب مرد اکیلے بھی خریداری کرسکیں گے۔ اس سے قبل سعودی حکومت نے شام کے وقت اور تعطیلات کے دوران مارکیٹوں اور شاپنگ مالز میں اکیلے مردوں کا داخلہ ممنوع قرار دیا تھا کیونکہ زیادہ تر نوجوان لڑکے خریداری کے دوران مارکیٹوں میں خواتین کوہراساں کرتے اور ان کے ساتھ چھیڑ چھاڑ کرتے تھے جس کی وجہ سے حکومت نے اکیلے مردوں پر جن کے ساتھ اہل خانہ موجود نہ ہوں پابندی عائد کررکھی تھی۔ مقامی میڈیا کے مطابق اس پابندی کی وجہ سے منفی ردعمل ہوا اور اب نوجوان مارکیٹوں کے باہر جمع ہوکر خواتین کو ہراساں کرتے تھے پابندی اٹھانے کا یہ فیصلہ مقامی حکام اور مذہبی پولیس کے نمائندوں پر مشتمل خصوصی کمیٹی نے کیا ہے جس کا اعلان کیا گیا ہے۔ سعودی عرب جہاں پر تفریحی مواقع کی عدم موجودگی کی وجہ سے مقامی نوجوان زیادہ تر مارکیٹوں میں گھوم پھر کر تفریح طبع کا سامان کا سامان کر لیتے تھے

Comments are closed.