امریکہ کا شام کے خلاف فوجی امکانات پر غور

Posted: 08/03/2012 in All News, Breaking News, Important News, Iran / Iraq / Lebnan/ Syria, USA & Europe

امریکہ شام میں فوجی مداخلت کے امکانات پر غور کر رہا ہے۔ امریکی فوج کے سربراہ مارٹن ڈیمپسی نے کہا کہ اس سلسلے میں نو فلائی زون کا قیام بھی شامل ہو سکتا ہے۔ اس کے ساتھ ساتھ امدادی مشنوں، بحری راستوں کی نگرانی اور محدود فضائی حملوں پر بھی غور کیا جا رہا ہے۔ تاہم انہوں نے کہا کہ ابھی کوئی مفصل منصوبہ بندی نہیں کی گئی ہے اور نہ ہی مختلف امکانات پر صدر باراک اوباما کے ساتھ تبادلہء خیال کیا گیا ہے۔ مزید یہ کہ سرِدست اوباما شامی صدر بشار الاسد کو مستعفی ہونے پر مجبور کرنے کے لیے اقتصادی پابندیوں اور سفارتی دباؤ ہی کو مناسب طریقہ قرار دے رہے ہیں۔

Comments are closed.