سانحہ کوہستان اور پارہ چنار اور شہید علامہ سید حافظ ثقلین نقوی کے غم میں کوئٹہ میں احتجاجی جلسہ

Posted: 07/03/2012 in All News, Important News, Local News, Pakistan & Kashmir

سانحہ کوہستان گلگت و بلتستان،  سانحہ پارہ چنار اور شہید حجتہ الاسلام و المسلمین علامہ حافظ سید ثقلین نقوی کے غم میں ایک زبردست احتجاجی جلسہ عام مسجد و امام بارگاہ نیچاری علمدار روڈ کوئٹہ میں منعقد کیا گیا۔ جس میں تمام مقامی تنظیمیں شیعہ علماء کونسل بلوچستان ، بلوچستان شیعہ کانفرنس، ہزارہ قومی جرگہ،ایم دبلیو ایم کوئٹہ، ابوتراب اسکاوٹس اس احتجاج جلسہ عام میں مومنین نے بھرپور شرکت کی اور ان تازہ سانحات پر اپنے گہرے رنج وغم کا اظہار کیا، اور حکومت سے احتجاج کیا۔ جلسہ سے علامہ مہدی نجفی صوبائی صدر شیعہ علماء کونسل ، جناب محمد علی شاہ نائب صدر بلوچستان شیعہ کانفرنس، جناب مولانا سید ہاشم موسوی، حجت الاسلام والسلمین جمعہ اسدی، جناب میجر ریٹائررڈ نادر علی صاحب اور نے خطاب کیا۔ اس موقع پرعلما  نے اپنے خطاب میں فرمایا کہ ایک منظم سازش کے تحت پاکستان کے حالات کو خراب کیا جا رہا ہے اور مخصوصاً اہل تشیع سے تعلق رکھنے والے افراد کو زیادہ ٹارگٹ کیا جا رہا ہے۔ خطبا کا کہنا تھا کہ موجودہ حکومت کو تو ان واقعات سے کوئی فکر ہی نہیں۔ چیف جسٹس آف پاکستان افتخار محمد چوہدری دیگر واقعات کا تو ازخود نوٹس لیتے ہیں لیکن گلگت بلتستان اور پارہ چنار جیسے انسانیت سوز واقعات انہیں نظر نہیں آتے۔ افسوس ہے کہ پاکستان کی موجودہ حکومت اور عدالتیں کسی کو بھی انصاف نہیں دے سکتیں۔ انهوں نے حکومت سے مطالبہ کیا کہ ان سانحات میں ملوث ملزمان کو جلد گرفتار کرکے کیفرکردار تک پہنچائے اور آخر میں شہداء کے درجات کی بلندی اور پسماندگان کیلئے صبرجمیل کی دعا کی۔ تمام مقررین نے سانحہ کوہستان گلگت بلتستان اور سانحہ پاراچنار  اور علامہ حافظ سید ثقلین نقوی کے المناک شہادت پر حکومتی مجرمانہ غفلت کی شدید مذمت کی اور عدلیہ سے سخت نوٹس لینے اور حکومت سے دہشتگردوں کی گرفتاری کا پر زور مطالبہ کیا۔

Comments are closed.