علی اکبر صالحی: علاقائی ممالک کو امریکی سازشوں کے بارے میں ہوشیار رہنا چاہیے

Posted: 11/02/2012 in All News, Breaking News, Important News, Iran / Iraq / Lebnan/ Syria, Pakistan & Kashmir, Russia & Central Asia, Survey / Research / Science News, USA & Europe

اسلامی جمہوریہ ایران کے وزير خارجہ نے شام کے مفتی اعظم سے ملاقات میں علاقائی ممالک کو تقسیم کرنے کے سلسلے میں مغربی ممالک کی سازش کی طرف اشارہ کرتے ہوئے کہا ہے کہ ایران اپنے برحق اور پائدار مؤقف پر قائم ہے اور علاقائی ممالک کو ہوشیار رہنا چاہیے  رپورٹ کے مطابق اسلامی جمہوریہ ایران کے وزير خارجہ علی اکبر صالحی نے شام کے مفتی اعظم شیخ احمد بدرالدین حسون سے ملاقات میں علاقائی ممالک کو تقسیم کرنے کے سلسلے میں مغربی ممالک کی سازش کی طرف اشارہ کرتے ہوئے کہا ہے کہ ایران اپنے برحق اور پائدار مؤقف پر قائم ہے اور علاقائی ممالک کو مغربی ممالک کی سازشوں کے بارے میں ہوشیار رہنا چاہیے۔ ایرانی وزیر خارجہ نے مسلمانوں کےدرمیان  اتحاد اور وحدت کے سلسلے شامی مفتی کی کوششوں اور تقریروں کو سراہتے ہوئے کہا کہ دشمنان اسلام علاقائی اسلامی ممالک کے درمیان اختلاف اور تفرقہ ڈالنے کی کوشش میں ہیں اور اس صورت حال کے پیش نظر اتحاد کی اہمیت دوچنداں ہوجاتی ہے۔ شام کے مفتی نے بھی اس ملاقات میں کہا کہ شام کے حالیہ بحران میں بعض علاقائی عرب حکام نے برطانیہ اور اسرائيل کے منصوبوں کو عملی جامہ پہنانے کی بھر پور کوشش کی ہے انھوں نے کہا کہ بی بی سی، سی این این، اور ان کے ساتھ الجزيرہ اور العربیہ کا تعاون کسی پر پوشیدہ نہیں انھوں نے شام کے حالات کو توڑ مروڑ کر پیش کرنے میں رائے عامہ کو گمراہ کرنے کی بہت زيادہ کوشش کی ہے۔ انھوں نے کہا کہ اسلامی جمہوریہ ایران کا شام ، اسلامی ممالک اور امت مسلمہ کے بارے میں مؤقف قابل قدر اور قابل ستائش ہے۔

Comments are closed.