مولانا شہنشاہ نقوی: دین کی غلط تشریح کسی طرح درست نہیں بلکہ دین کے حقیقی پیغام کو عام کیا جائے۔

Posted: 17/01/2012 in All News, Local News, Pakistan & Kashmir, Religious / Celebrating News

کراچی : نواسہ رسول حضرت امام حسین  کا چہلم اتوار کو انتہائی عقیدت و احترام سے منایا گیا، شہر بھر کی امام بارگاہوں میں مجالس عزا ہوئیں اور نواسہ رسول کی عظیم قربانی کی یاد تازہ کی گئی، مرکزی مجلس پاک حرم ایسوسی ایشن کے زیراہتمام نشتر پارک میں برپا ہوئی جس سے مولانا شہنشاہ نقوی نے خطاب کیا ، بعدازاں نشتر پارک سے جلوس برآمد ہوا جو مخصوص راستوں سے ہوتا ہوا حسینیہ ایرانیاں پر اختتام پذیر ہوا، جلوس میں علم و ذوالجناح شامل تھے اور شرکاء راستے بھر نوحہ خوانی اور ماتم کرتے رہے، نشتر پارک میں مرکزی مجلس عزا سے خطاب کرتے ہوئے مولانا شہنشاہ نقوی نے کہا کہ نواسہ رسول نے اسلام کی سربلندی اور اصولوں کی خاطر عظیم قربانی دی، اُنہوں نے کہا کہ اسلام کسی کے ساتھ ناروا سلوک کا حکم نہیں دیتا اور دین کی غلط تشریح کسی طرح درست نہیں بلکہ ضرورت اس بات کی ہے کہ دین کے حقیقی پیغام کو عام کیا جائے۔     

Comments are closed.