حب : امام بارگاہ پر نامعلوم افراد کی فائرنگ، سیکورٹی گارڈ جاں بحق

Posted: 17/01/2012 in All News, Breaking News, Local News, Pakistan & Kashmir, Religious / Celebrating News

لسبیلہ،کوئٹہ (اے پی پی) بلوچستان کے علاقہ حب میں نامعلوم افراد کی امام بارگاہ پر فائرنگ کے نتیجہ میں سیکورٹی گارڈ جان بحق ہو گیا۔ پولیس کے مطابق اتوار کو حب کے علاقہ جمعہ کالونی میں واقع امام بارگاہ پر نامعلوم افراد نے فائرنگ کر دی جس کے نتیجہ میں سیکورٹی گارڈ محمد موسیٰ موقع پر ہی جان بحق ہو گیا جبکہ ملزمان موقع سے فرار ہو گئے۔ پولیس نے نعش ضروری کارروائی کے بعد ورثاء کے حوالہ کر دی اور مقدمہ درج کرکے ملزمان کی تلاش شروع کر دی۔دریں اثناء ملک بھر کی طرح کوئٹہ میں بھی حضرت امام حسین علیہ اسلام اور شہداء کربلا کے چہلم کی مناسبت سے جلوس نکالا گیا جس کی قیادت بلوچستان شیعہ کانفرنس کے صدر اشرف زیدی اور دیگر علماء نے کی۔ جلوس اپنے مقررہ راستوں سے ہوتا ہوا قبرستان پہنچا جہاں جلوس کے شرکاء نے دعا کی۔ جلوس کے موقع پر ممکنہ کسی بھی تخریب کاری کے خطرے کے پیش نظر سیکورٹی کے سخت حفاظتی انتظامات کئے گئے تھے، جلوس کے راستوں کو ہفتہ کی رات کی مکمل سکریننگ کے بعد سیل کردیا گیا تھا اور جلوس کے روٹس کی خفیہ کیمروں کے ذریعے نگرانی کی جاتی رہی تاہم اس دوران کوئی ناخوشگوار واقعہ رونما نہیں ہوا۔    

Comments are closed.