پرویز مشرف اسرائیل کو تسلیم کرانے کے مشن پر پاکستان آ رہے ہیں، حافظ حسین احمد

Posted: 10/01/2012 in All News, Important News, Local News, Pakistan & Kashmir, Religious / Celebrating News

جمعیت علماء اسلام کے مرکزی رہنما حافظ حسین احمد نے کہا ہے کہ یہودی لابی اسرائیل کو تسلیم کروانے کیلئے ماضی کے فوجی اور مستقبل کے جمہوری حکمران کو استعمال کرنے کا منصوبہ بنا چکی ہے اور اس ناپاک منصوبے کی تکمیل کیلئے پاکستان کی قادیانی لابی سرگرم ہے،حافظ حسین احمد نے سابق صدر پرویز مشرف کا بیان غیر ذمے دارانہ ملک سے غداری اور امریکا کو خوش کرنے کی کوشش قرار دیدیا۔ وہ مجلس احرار اسلام پاکستان کے مرکزی دفتر میں صحافیوں سے گفتگو کر رہے تھے انہوں نے کہا کہ جنرل پرویز مشرف اسرائیل کو تسلیم کرانے کے مشن پر پاکستان آ رہے ہیں اور اس کیلئے صہیونی لابی نے ان کے اکائونٹس میں کروڑوں ڈالر منتقل کر دئیے ہیں، اس سے قبل امریکہ میں پاکستان کے سفیر حسین حقانی نے بھی اسرائیل کو تسلیم کرنے کی یقین دہانی کرائی ہے اور اس ضمن میں منصور اعجاز کا بھی گھنائونا کردار ہے۔ لیکن جب میمو گیٹ کی دھند چھٹ جائے گی تو پھر اسرائیل کے تسلیم کرنے کیلئے منصور اعجاز اور حسین حقانی کی ہم آہنگی سے پردہ اٹھ جائے گا۔ انہوں نے کہا کہ یہودی لابی مختلف انداز سے پاکستان کے نظریاتی تشخص کو مفلوج کرنے کی کوشش کر رہی ہے، قبل ازیں حافظ حسین احمد نے مجلس احرار اسلام پاکستان کے رہنمائوں سے دینی قومی اور ملکی مسائل پر مشاورت کی۔

Comments are closed.