علامہ سید ساجد علی نقوی:خانوادہ رسالت کے کمسن بچے بھی مشکل و نامساعد حالات کا مقابلہ کرکے دین حق کی تبلیغ کا سبب بنے

Posted: 10/01/2012 in All News, Local News, Pakistan & Kashmir, Religious / Celebrating News

قائد ملت جعفریہ پاکستان علامہ سید ساجد علی نقوی نے حضرت امام حسین علیہ السلام کی دختر جناب سکینہ بنت الحسین  کی شہادت پر اپنے پیغام میں کہا ہے کہ خانوادہ رسالت کا اسوہ حسنہ ہر زمانے میں انسانیت کے لئے مینارہ نور ہے اور خاندان عصمت و طہارت کے مرد و خواتین’ بوڑھے حتی کہ کم کمسن بچے بھی مشکل و نامساعد حالات کا مقابلہ کرکے دین حق کی ترویج و تبلیغ کا سبب بنے جس کی واضح مثال نواسہ رسول اکرم ۖ حضرت امام حسین علیہ السلام کی کم سن دختر جناب سکینہ بنت الحسین  ہیں جنہوں  نے ریگزار کربلا میں بھوک اور پیاس سے نڈھال کم سن بچوں کو جمع کرکے ان کی تشنہ لبی کے باوجود انہیں ہمت و حوصلہ دیا  اور سانحہ کربلا میں اپنے پیارے بابا اور دیگر عزیز و اقارب کی جانوں کی قربانی کا دکھ جھیل کر اپنے اوپر ظلم و ستم برداشت کیا اور بعد ازاں کربلا و کوفہ اور کوفہ سے شام تک کے انتہائی مشکل اور صبر آزما اور کٹھن سفر کی صعوبتوں کی پرواہ نہ کی اور حتی کہ زندان شام میں بھی اذیت ناک اور دردناک لمحات میں اپنی جان کی پرواہ کئے بغیر دین حق پر کوئی آنچ نہ آنے دی جس سے واضح ہوتا ہے کہ دین مبین اسلام اور شریعت محمدی کی خاطر ہر قسم کی قربانی دینا اہل بیت  اطہار کا شیوہ رہا ہے جس کی بدولت آج دین حق کے حلال و حرام اور حقیقی تعلیمات ہم تک پہنچیں اب یہ ہماری ذمہ داری ہے کہ اس کی حفاظت میں کوئی کوتاہی نہ کی جائے۔

Comments are closed.