حماس اسرائيل کو ہرگز تسلیم نہیں کرے گی اور نہ ہی فلسطین کی ایک بالشت زمین سے چشم پوشی کرے گی:اسماعیل ہنیہ

Posted: 10/01/2012 in All News, Important News, Palestine & Israel, Survey / Research / Science News, USA & Europe

فلسطین کی منتخب اور قانونی حکومت کے وزیراعظم اسماعیل ہنیہ نے کہا ہے کہ حماس کبھی بھی صیہونی حکومت کو تسلیم نہیں کرے گي۔ تیونس سے قطر نیوز ایجنسی کی رپورٹ کے مطابق اسماعیل ہنیہ نے شہر تیونس کے اسٹیڈیم میں ہزاروں افراد سے خطاب میں کہا کہ حماس اسرائيل کو ہرگز تسلیم نہیں کرے گی اور نہ ہی فلسطین کی ایک بالشت زمین سے چشم پوشی کرے گی۔ اسماعیل ہنیہ نے کہا کہ اب مصر اور تیونس صیہونی حکومت کے حلیف نہیں رہے ہیں اور صیہونی حکومت بڑے برے دن گذار رہی ہے۔ انہوں نے عرب ملکوں میں جاری انقلابوں کے حامیوں سے کہا کہ آزاد فلسطینی ریاست کی تشکیل کے لئے جد وجہد کریں۔ قابل ذکر ہے کہ غزہ پٹی کے محاصرے کے بعد سے اسماعیل ہنیہ کا یہ پہلا بیرونی دورہ ہے، انہوں نے تیونس سے قبل سوڈان اور ترکی کا بھی دورہ کیا تھا۔ ادھر تحریک حماس کے ترجمان نے الفتح تنظیم کی جانب سے قومی مصالحتی معاہدے کو ختم کرنے کی دھمکیوں کی مذمت کی ہے۔ حماس نے کہا ہے کہ الفتح کی ان دھمکیوں سے ظاہرہوتا ہے کہ وہ قومی مصالحتی معاہدے کو توڑنے اور نقصان پہنچانے کا ارادہ رکھتی ہے۔

Comments are closed.