عمران خان 9 جنوری کو ایم ڈبلیو ایم کی مرکزی قیادت سے ملاقات کریں گے

Posted: 04/01/2012 in All News, Local News, Pakistan & Kashmir, Religious / Celebrating News

ذرائع کا کہنا ہے کہ عمران خان کے دورے کا مقصد شیعہ رہنماؤں کے تحفظات دور کرنا ہے اور آئندہ انتخابات میں حمایت حاصل کرنا ہے۔ دونوں جماعتوں کے سربراہوں کی ملاقات کے بعد پریس بریفنگ کا اہتمام کیا جائے گا۔ذرائع کے مطابق تحریک انصاف کے سربراہ عمران خان 9 جنوری کو مجلس وحدت مسلمین کی مرکزی قیادت سے ملاقات کریں گے۔ اسلام آباد میں ایم ڈبلیو ایم کے مرکزی دفتر العارف ہاؤس میں ہونے والی اس ملاقات میں تحریک انصاف کے سربراہ عمران خان سمیت پی ٹی آئی دیگر رہنما اُن کے ہمراہ ہونگے جبکہ ایم ڈبلیو ایم کی جانب سے مجلس وحدت مسلمین کے مرکزی سیکرٹری جنرل علامہ ناصر عباس جعفری، مرکزی ڈپٹی سیکرٹری جنرل علامہ محمد امین شہیدی، مرکزی سیکرٹری سیاسیات علی اوسط پی ٹی آئی کے سربراہ سے تبادلہ خیال کریں گے اور ملکی صورتحال پر بات چیت کی جائے گی۔ ذرائع کا کہنا ہے کہ عمران خان کے دورے کا مقصد شیعہ رہنماؤں کے تحفظات دور کرنا ہے اور آئندہ انتخابات میں حمایت حاصل کرنا ہے۔ دونوں جماعتوں کے سربراہوں کی ملاقات کے بعد پریس بریفنگ کا اہتمام کیا جائے گا، جس میں ملاقات کا احوال اور متفقہ اعلامیہ پیش کیا جائے گا۔

Comments are closed.