علامہ رمضان توقیر:حکومت امریکی دبائو کو مسترد کرئے اورایران سے بجلی اور گیس کا حصول ممکن بنائے

Posted: 01/01/2012 in All News, Local News, Pakistan & Kashmir, Religious / Celebrating News, USA & Europe

شیعہ علماء کونسل خیبر پختونخوا کے صدر علامہ رمضان توقیر نے ملک بھر میں بجلی اور گیس کی طویل ترین لوڈشیڈنگ پر تشویش کا اظہار کرتے ہوئے کہا ہے کہ  حکومت امریکی دبائو کو مسترد کرتے ہوئے فوری طور پر ایران سے بجلی اور گیس کا حصول ممکن بنائے، ایس یو سی کے صوبائی دفتر سے جاری کردہ بیان میں ان کا کہنا تھا کہ ملک بھر میں گیس اور بجلی کی طویل ترین بندش کی وجہ سے غریب عوام کے چولہے ٹھنڈے پڑ چکے ہیں، اکثر کاروبار ٹھپ ہو چکے ہیں جس کے باعث لوگوں کی معاشی حالت روز بروز بدتر ہو رہی ہے،لیکن حکومت کو کوئی فکر نہیں۔  انہوں نے پشاور میں متعین ایرانی قونصل جنرل حسن درویش وند کی جانب سے پاکستان کو 5000 ہزار میگاواٹ تک بجلی فراہمی کی پیشکش کو خوش آئند قرار دیتے ہوئے کہا ہے کہ برادر اسلامی ملک کی جانب سے یہ پیشکش پاکستان میں بجلی بحران پرقابو پانے کا سنہری موقع ہے،اور اس موقع سے جتنی جلدی ممکن ہو استفادہ کیا جائے۔ انہوں نے کہا کہ حکومت فوری طور پر پاک ایران گیس پائپ لائن معاہدے کو حتمی شکل دے، اس حوالے سے امریکی دبائو کسی صورت قبول نہ کیا جائے بلکہ قوم کی امنگوں کے مطابق ملک کے مفادات کو مدنظر رکھتے ہوئے فیصلے ہونے چاہیں۔ علامہ رمضان توقیر نے مزیدکہا کہ پاکستان اور ایران کے عوام دوستی کے مضبوط بندھن میں بندھے ہوئے ہیں اور گیس پائپ لائن معاہدہ کو حتمی شکل دیکر دوستی کے اس رشتے کو مزید مستحکم کیا جا سکتا ہے، انہوں نے کہا کہ یہ صرف گیس پائپ لائن نہیں بلکہ دوستی کی لائن ہے، لہٰذا حکمران ملک کو بجلی اور گیس کے بحران سے نکالنے کیلئے فوری طور پر اقدامات کریں۔

Comments are closed.