سی این جی، گیس مصنوعات اور مشین ریڈبل پاسپورٹ کی فیس میں بے تحاشا اضافہ

Posted: 01/01/2012 in All News, Breaking News, Important News, Local News, Pakistan & Kashmir, Survey / Research / Science News

مشین ریڈبل پاسپورٹ کی نارمل فیس 2100 سے بڑھا کر 3300 جبکہ ارجنٹ فیس 4000 روپے سے بڑھا کر 5000 کر دی گئی ہے، اسی طرح گھریلو اور کمرشل صارفین کیلئے گیس 13.98فیصد اور صنعتوں کےلئے 16.97 فیصد مہنگی کرنے کا نوٹیفکیشن جاری کر دیا ہے۔ آئل اینڈ گیس ریگو لیٹری اتھارٹی (اوگرا ) نے گھریلو اور کمرشل صارفین کیلئے گیس 13.98 فیصد اور صنعتوں کے لئے 16.97 فیصد مہنگی کرنے کا نوٹیفکیشن جاری کر دیا ہے، جبکہ سی این جی کی قیمتوں میں 8 روپے فی کلو گرام اضافہ کر دیا گیا ہے۔ نئی قیمتوں کا اطلاق یکم جنوری سے ہو گا۔ صنعتی شعبے کے لیے گیس کی قیمت میں 16.97 فیصد اضافہ کیا گیا ہے جس میں 13روپے فی ایم ایم بی ٹی یو گیس ڈویلپمنٹ سرچارج بھی شامل ہے۔ واپڈا اور کے ایس سی کے لیے گیس 13.58 فیصد مہنگی کی گئی ہے، جس میں27 روپے فی ایم ایم بی ٹی یو سرچار ج شامل ہے۔ نجی بجلی گھروں کے لیے گیس کی قیمت میں 34.57 فیصد اضافہ کیا گیا ہے، جس میں فی ایم ایم بی ٹی یو 70 روپے سے چارج شامل ہے۔ سی این جی سیکٹر کے لئے بھی قیمتوں میں اضافہ کی منظوری دیدی گئی ہے جس کے مطابق بلوچستان، پوٹھوہار ریجن اور خیبر پختونخوا میں سی این جی سیکٹر کے لیے گیس 38.63 فیصد مہنگی کی گئی ہے جس میں 141 روپے فی ایم ایم بی ٹی یو سرچارج شامل ہے۔ سندھ اور پنجاب میں سی این جی سیکٹر کے لیے گیس 27.79 فیصد مہنگی کی گئی ہے جس میں 79روپے فی ایم ایم بی ٹی یو سرچارج شامل ہے۔ اس کے علاوہ مشین ریڈبل پاسپورٹ کی نارمل فیس 2100 سے بڑھا کر 3300 جب کہ ارجنٹ فیس 4000 روپے سے بڑھا کر 5000 کر دیا گیا ہے۔

Comments are closed.