تمام فرقوں اورمسلکوں کے درمیان مذہبی ہم آہنگی پیدا کرنا اہم فریضہ ہے.تشیع اور اہل سنت کی مذہبی جماعتوں کا مشترکہ اجلاس

Posted: 01/01/2012 in All News, Educational News, Important News, Local News, Pakistan & Kashmir, Religious / Celebrating News

بلوچستان کے مذہبی سیاسی پارٹیوں کا اجلاس جمعیت کے صوبائی امیراسلامی نظریاتی کونسل کے چئیرمین سینیٹرمولانا محمد خان شیرانی کی صدارت میں مرکزی جمعیت اہل حدیث کے صوبائی دفتر میں ہوا جس میں جمعیت اہل حدیث کے صوبائی امیرحاجی مولانا علی محمدابوتراب، شیعہ علماء کونسل کے سربراہ علامہ مہدی نجفی ، جمعیت علماء پاکستان کے مرکزی ڈپٹی جنرل سیکرٹری عبدالقدوس ساسولی، جماعت اسلامی بلوچستان کے نائب امیرعبدالحق ہاشمی ، ایم ڈبلیو ایم کے  علامہ سید ہاشم موسوی شیعہ علماء کونسل کے جنرل سیکرٹری ظاہرشاہ ، جمعیت علماء اسلام بلوچستان کے نائب امیرحافظ حمداللہ شریک ہوئے اجلاس میں ملکی وصوبائی معاملات تفصیلی غورہوا اورملک میں جاری جید علماء طلباء اورمذہبی رہنماوں کی ٹارگٹ کلنگ پرتشویش کااظہارکرتے ہوئے ان واقعات کو مذہبی حلقوں کیخلاف ایک منظم سازش قراردیا گیا اجلاس میں تمام رہنماوں‌نے کہا کہ ہمیں اتنا بھی مظلوم نہیں بننا چاہیئے کہ دشمن ہمیں قتل بھی کرے اورہمارے درمیان غلط فہمیاں بھی پیدا کرکے ہمیں ہی آپس میں دست وگریباں کریں اجلاس میں طی ہوا کہ ان عناصرکے عزائم سے امت مسلمہ کوآگاہ کرنا وقت کی اہم ضرورت ہے کیونکہ یہ قوتیں‌ ہمیں ٹیشوپیپرکی طرح استعمال کرتی ہیں اجلاس میں‌طے ہوا کہ تمام فرقوں اورمسلکوں کے درمیان مذہبی ہم آہنگی پیدا کرنا تمام مذہبی پارٹیوں کی قیادت کا اسلامی اوراخلاقی فریضہ ہے  اجلاس میں ان تمام خونی واقعات کو امت مسلمہ کے خلاف خطے میں جاری بین الااقوامی سازشوں کا حصہ قراردیا گیا کیونکہ یہ واقعات امت کوفرقوں میں تقسیم کرنے کیلئے ہورہے ہیں اجلاس میں طے ہوا کہ مذہبی بھائی چارے کے فروغ کیلئے اورغلط فہمیوں کودورکرنے کیلئے مذہبی پارٹیوں کے درمیان مستقل اورمنظم رابطوں کے سلسلے کومزید موثراورفعال بنانے کیلئے مشاورت کا دائرہ مزید وسیع کیا جائے گا جس کیلئے اجلاس میں موجود پارٹیاں مشاورت کے بعد تجاویزدینگی اجلاس میں پولیس سرجن ڈاکڑباقرشاہ کی المناک شہادت پرگہرے دکھ اورافسوس کا اظہارکرتے ہوئے کہا گیا کہ یہ واقعہ خروٹ آباد خیزی چوک کے واقعہ کے اصل حقائق کوچپھانے کیلئے کیاگیا اجلاس میں مطالبہ کیا گیا کہ واقعہ میں ملوث ملزمان کوبے بقاب کیا جائے اجلاس میں گزشتہ ماہ شہید ہونے والے علماء اورطلباء کیلئے دعامغفرت کی گئی.

Comments are closed.