شیعہ تنظیموں کی مشترکہ پریس کانفرنس کے بعد ایس ایچ او شاہ فیصل کالونی ندیم بیگ برطرف

Posted: 31/12/2011 in All News, Breaking News, Important News, Local News, Pakistan & Kashmir, Religious / Celebrating News

کراچی کے علاقے شاہ فیصل کالونی تھانے کےمتعصب ایس ایچ او ندیم بیگ کو بر طرف کر دیا گیا ہے ۔ رپورٹ کے مطابق آئی جی سندھ پولیس نے ایک حکم نامے میں ایس ایچ او شاہ فیصل کالونی پولیس اسٹیشن ندیم بیگ کو برطرف کر دیا ہے اور ان کی جگہ دوسرے پولیس آفیسر کو تعینات کر دیا گیا ہے۔ واضح رہے کہ شاہ فیصل کالونی کے متعصب سابقہ پولیس آفیسر ندیم بیگ نے 2 محرم الحرام کو شاہ فیصل کالونی تھانے کی حدود میں قائم مسجدوامام بارگاہ حسینی مشن پر لگائی گئی پانی کی سبیل پر دہشت گردوں کی کاروائی میں بنفس نفیس  موجود تھے جسے عینی شاهدین نے پانی کی سبیل پر لاتوں سے ٹهوکریں مارتا ہوا دیکهاتھا دوسری مرتبہ25 محرم الحرام کے روز شہادت امام زین العابدین علیہ السلام کے موقع پر نکالے گئے جلوس عزاء میں پولیس کی ناقص سیکورٹی انتظامات اور نا اہلی کے سبب جامعہ فاروقیہ سے ندہشت گردوں نے جلوس عزاء ، مسجد و امام بارگاہ حسینی مشن پر حملہ کیا جس کے نتیجہ میں خواتین وبچوں سمیت دو شیعہ نوجوان گولیاں لگنے سے زخمی ہو گئے تھے تاہم متعصب سابق پولیس آفیسر ندیم بیگ نے دہشت گردوں کے خلاف کاروائی کرنے سے گریز کرتے ہوئے شیعہ بے گناہ نوجوانوں پر ہی مقدمہ قائم دائر کردیا ۔ جس پرشیعہ علمائے کرام نے  آئی جی سندھ کے سامنے شاہ فیصل کالونی کے متعصب سابقہ پولیس آفیسر ندیم بیگ کے خلاف شواہد فراہم کئے تھے اورچند روز قبل شیعہ علما کونسل ،جعفریہ الائنس ،ائمہ مساجد امامیہ ،شیعہ ایکشن کمیٹی ،امامیہ اسٹوڈنٹس سمیت دیگر شیعہ عمائدین نے ایک مشترکہ پریس کانفرنس میں حکومت سے مطالبہ کیا تھا کہ شاہ فیصل کالونی کے متعصب ایس ایچ او  کو فوری طور پر برطرف کیا جائے-

Comments are closed.