ایران کا خلیج فارس میں ہفتے کو راکٹ ٹیسٹ کا اعلان

Posted: 31/12/2011 in All News, Breaking News, Iran / Iraq / Lebnan/ Syria, Survey / Research / Science News, USA & Europe

امریکی اور اسرائیلی جارہانہ دھمکیوں کے بعد ایران نے آبنائے ہرمز کے راستے تیل کی تجارتی مال برداری کو روکنے کی دھمکی دی ہے اب ایک اہم سمندری علاقے میں فوجی مشقوں کے دوران طویل فاصلے تک مار کر سکنے والے ایک راکٹ کا تجربہ کرنے کا اعلان بھی کر دیا ہے۔ ایرانی فوج کے ایک اعلیٰ نمائندے کے مطابق یہ مجوزہ راکٹ ٹیسٹ کل ہفتے کی صبح کیا جائے گا۔ ایرانی بحریہ ان دنوں خلیج فارس کے بین الاقوامی پانیوں میں اپنی کئی روزہ جنگی مشقیں جاری رکھے ہوئے ہے۔ قبل ازیں ایرانی حکام نے نئی امریکی تنبیہات کے باوجود ایک بار پھر دھمکی دی کہ اگر مغربی ملکوں نے ایرانی تیل کی برآمدات پر کوئی پابندیاں لگائیں تو آبنائے ہرمز سے تیل کا ایک قطرہ بھی نہیں گزر سکے گا۔

Comments are closed.