تفتان، کوچز کو روکنے کے باعث زائرین مشکلات کا شکار

Posted: 24/12/2011 in All News, Important News, Local News, Pakistan & Kashmir

تفتان ٹراسپورٹ یونین کے صدر حاجی اللہ بخش بادینی اور دیگر نے اس اقدام کی مذمت کرتے ہوئے کہا ہے کہ اس طرح کے اقدامات کا مقصد مقامی ٹرانسپورٹرز کو بےروزگار کرنا ہے۔ایران سے براستہ تفتان کوئٹہ آنے والے زائرین کی کوچز کو انتظامیہ نے دالبندین اور تفتان میں روک دیا خواتین اور بچوں سمیت دیگر مسافر پریشانی کا شکار، تفصیلات کے مطابق ایران سے باراستہ تفتان کوئٹہ جانے والے زائرین کی کوچز کو انتظامیہ نے بلاجواز روکنا شروع کر دیا ہے، گزشتہ روز دالبندین کے قریب 11 کوچز کو روک دیا گیا جن میں خواتین اور بچوں سمیت 500 کے قریب زائرین سوار تھے تمام گاڑیوں کو بعد ازاں زائرین سمیت دالبندین منتقل کر دیا گیا جہاں‌ ہوٹل اور دیگر مناسب انتظامات نہ ہونے کی وجہ سے مسافروں بالخصوص خواتین اور بچوں کو شدید مشکلات کا سامنا کرنا پڑا۔  جمعرات کو بھی تفتان میں 5 کوچز روک دی گئیں جن میں اڑھائی سو کے قریب زائرین سوار تھے جن کی سکیورٹی رہائش اور قیام و طعام کیلئے کوئی مناسب انتظام نہیں کیا گیا، دریں اثناء تفتان ٹراسپورٹ یونین کے صدر حاجی اللہ بخش بادینی اور دیگر نے اس اقدام کی مذمت کرتے ہوئے کہا ہے کہ اس طرح کے اقدامات کا مقصد مقامی ٹرانسپورٹرز کو بے روزگار کرنا ہے انہوں نے کہا کہ کوچز کو روکنے کے باعث گزشتہ تین دن سے زائرین خصوصاً خواتین، بچوں اور ضعیف افراد کو مشکلات کا سامنا ہے انہوں نے کہا کہ اگر یہ سلسلہ بند نہ ہوا تو بھرپور احتجاج کیا جائے گا۔

Comments are closed.