حکومت گرانے کی سازشیں ہو رہی ہیں، گیلانی

Posted: 23/12/2011 in All News, Breaking News, Important News, Local News, Pakistan & Kashmir

اسلام آباد: وزیر اعظم یوسف رضا گیلانی نے کہا ہے کہ حکومت سمیٹنے کی سازشیں ہو رہی ہیں۔ ہم حکومت میں رہیں یا نہ رہیں لوگوں کی خدمت کرتے رہینگے۔ تفصیلات کے مطابق یوم قائد اعظم سے حوالے سے منعقدہ نوجوانوں کی تقریب سے خطاب کرتے ہوئے وزیر اعظم نے کہا کہ آمریت نے ہمیشہ آئین اور جمہوریت پر حملہ کیا، اب بھی جمہوریت کے خلاف سازشیں کی جا رہی ہیں۔ ہر جمہوری حکومت پر الزامات لگائے گئے اور قیام پاکستان کیساتھ ہی محلاتی سازشیں شروع ہوگئیں تھیں۔ انہوں نے کہا کہ سیاستدانوں پر غداری کے الزامات سے ملک دو ٹکڑے ہوا، قوم کو فیصلہ کرنا ہے کہ جمہوریت چاہیے یا آمریت۔ وزیر اعظم نے کہا کہ فوج منظم ادارہ ہے جو آئین پر عمل کرتا ہے۔

Comments are closed.