لارڈ نذیر کی شہریت ختم، پاکستانی اور کشمیری کمیونٹی کی مذمت

Posted: 15/12/2011 in All News, Amazing / Miscellaneous News, Breaking News, Important News, Pakistan & Kashmir, USA & Europe

سابق وزیر اور پیپلز پارٹی آزاد کشمیر کے سینئر رہنما بیرسٹر سلطان محمود نے کہا ہے کہ لارڈ نذیر احمد کا میرپور میں آمد پر بھر پور استقبال کیا جائے گا۔برطانیہ میں مقیم پاکستانی اور کشمیری کمیونٹی نے برطانوی پارلیمنٹ کے پاکستانی نژاد رکن لارڈ نذیر احمد کی شہریت ختم کرنے کے بارے میں آزاد کشمیر کابینہ کے فیصلے اور مانچسٹر میں اُن پر حملے کی شدید مذمت کی ہے۔ لارڈ نذیر احمد کو برطانوی پارلیمنٹ کا پہلا پاکستانی نژاد رکن ہونے کا اعزاز حاصل ہے۔ آزاد کشمیر کابینہ میں ان کی شہریت منسوخ کرنے کی قرارداد منظور ہونے پر پاکستانی اور کشمیری برادری نے سخت رد عمل ظاہر کیا ہے۔ لندن میں مقیم پاکستانیوں نے کہا ہے کہ لارڈ نذیر کی شہریت کوئی منسوخ نہیں کرسکتا۔ سابق وزیر اور پیپلز پارٹی آزاد کشمیر کے سینئر رہنما بیرسٹر سلطان محمود نے کہا ہے کہ لارڈ نذیر احمد کا میرپور میں آمد پر بھر پور استقبال کیا جائے گا۔ وہ پاکستانی اور کشمیری شہری ہیں ان کی شہریت منسوخ کی گئی تو عوام یہ فیصلہ مسترد کرکے اُن کے شانہ بشانہ کھڑے ہوجائیں گے۔ لارڈ نذیر احمد کو بیرون ملک پاکستان کا وکیل بھی قرار دیا جاتا ہے۔ لندن میں پاکستانی اور کشمیری شہریوں نے ان کی شہریت منسوخ کرنے کے خلاف جمعے کو یوم احتجاج منانے کا اعلان کیا ہے

Comments are closed.