ابراہیم جعفری کی عرب لیگ پر تنقید

Posted: 12/12/2011 in All News, Important News, Iran / Iraq / Lebnan/ Syria, Saudi Arab, Bahrain & Middle East

عراق کے سابق وزیر اعظم ابراہیم جعفری نے شام کے حالات سے متعلق عرب لیگ کے موقف پر تنقید کی ہے۔  ابراہیم جعفری نے مہر خبررساں ایجنسی سے گفتگو کے دوران شام کے حالات سے متعلق عرب لیگ کے موقف کے بارے میں کہا کہ شام کے خلاف عرب لیگ کا موقف منطقی اور معقول نہیں ہے کیونکہ عرب لیگ کے قیام کا مقصد عرب ممالک کے درمیان اتحاد اور ہم آہنگی کو تقویت دینا ہے لیکن اب اس نے تمام عرب ممالک کو شام کے خلاف متحد کردیا ہے۔  ابراہیم جعفری نے مزید کہا کہ عرب لیگ نے مسئلہ فلسطین اور شام کے مقبوضہ علاقے جولان سمیت عرب دنیا کے بہت سے مسائل کے بارے میں خاموشی سادھ رکھی ہے جبکہ بہت ہی کم عرصے میں اس نے شام کے خلاف اپنا فیصلہ سنا دیا ہے۔  ادھر شام میں متعین اسلامی جمہوریہ ایران کے سفیر محمد رضا رئوف شیبانی نے کہا ہے کہ تہران دباؤ کے مقابلے میں شام کی حمایت کرے گا۔ محمد رضا شیبانی نے خطے کی صورتحال کی جانب اشارہ کرتے ہوۓ کہا کہ خطے کی موجودہ صورتحال کا سب سے زیادہ نقصان امریکہ اور صیہونی حکومت کو ہوا ہے اور شام کے دشمنوں نے اس خطے کے لۓ بہت بڑی سازش تیار کر رکھی ہے۔

Comments are closed.