ہندوستانی اخبار کا الزام بےبنیاد

Posted: 30/11/2011 in Afghanistan & India, All News, Educational News, Iran / Iraq / Lebnan/ Syria

اسلامی جمہوریہ ایران ایٹمی ہتھیاروں کی مخالفت کرنےمیں سب سے آگے ہے۔ ارنا کی رپورٹ کے مطابق نئي دہلی میں اسلامی جمہوریہ ایران کے سفارتخانے نے پایونیر اخبار میں ایران کے ایٹمی پروگرام کے تعلق سے چھپنے والے ایک مضمون کے جواب میں کہا ہے کہ رہبرانقلاب اسلامی کے فتوے کے مطابق ایٹم بم بنانا حرام اور ممنوع ہے۔ نئي دہلی میں ایران کے سفارتخانے کے بیان میں آیا ہے کہ کسی چیز کا حرام قراردیا جانا سب سے بڑی پابندی ہے یہاں تک کہ مسلمان اسے قومی اور عالمی قوانین سے بھی برتر سمجھتے ہیں۔ اس بیان میں آيا ہے کہ اب تک ایسی کوئي رپورٹ سامنے نہیں آئي ہے جس سے یہ معلوم ہوتا ہو کہ ایران کا ایٹمی پروگرام قانوں سے منحرف ہوا ہے۔ اس بیان میں کہا گيا ہے کہ ایران کی ایٹمی سرگرمیاں این پی ٹی معاہدے کے مطابق جاری ہیں اور آئي اے ای اے ان پر مکمل طرح سے نگرانی کر رہی ہے۔

Comments are closed.