کوئٹہ میں پھر دہشت گردی, لیکچرر دانش بلتستانی کی شہادت

Posted: 30/11/2011 in All News, Breaking News, Important News, Local News, Pakistan & Kashmir, Religious / Celebrating News

پاکستان کے شہر کوئٹہ میں دہشتگردوں نے ایک بار پھر عوام میں دہشت پھیلانے کی کاروائياں کی ہیں۔ اطلاعات کے مطابق کوئٹہ یونیورسٹی کے ایک لکچرر محمد دانش علی آج دہشتگردوں کے حملے میں شہید ہوگئے۔ شہید محمد دانش علی کوئٹہ یونیورسٹی میں کمپیوٹر سائنس کے لکچرر تھے۔ قابل ذکر ہے مجلس وحدت مسلمین، بلوچستان شیعہ کانفرنس، اور مجالس تحفظ عزاداری نے محمد دانش کے قتل کی مذمت کرتے ہوئے کہا ہے کہ دہشت گردوں نے محرم کے دوران بدامنی پھیلانے کے لئے یہ سازش کی ہے۔ اس سے قبل دہشت گردوں نے پہلی محرم کو کراچی میں بھی دو شہریوں کو شہید کر دیا تھا۔ ادھر اطلاعات ہیں کہ کراچی میں اسپیشل انوسٹی گيشن یونٹ نے کاروائي کرکے محرم الحرام کے دوران دہشت گردی کی منصوبہ بندی کرنے والے جنداللہ نامی دہشت گرد گروہ کے پانچ کارکنوں کوگرفتار کرلیا ہے۔ یہ بات کراچی کے ایڈیشنل انسپکٹر جنرل پولیس نے پریس کانفرنس میں بتائي۔ پولیس کے مطابق ملزمان سے سنٹرل جیل کے نقشے اور ایک ہٹ لسٹ بھی برآمد ہوئی ہے۔

Comments are closed.