حامد کرزئي: منشیات کی اسمگلنگ کی روک تھام کے سلسلے میں ایران کی کوششوں قابل فخر ہیں

Posted: 30/11/2011 in Afghanistan & India, All News, Important News, Iran / Iraq / Lebnan/ Syria, Survey / Research / Science News, USA & Europe

افغان صدر حامد کرزئي نے منشیات کی اسمگلنگ کی روک تھام کے سلسلے میں اسلامی جمہوریہ ایران کی کوششوں کو سراہا ہے۔ ارنا کی رپورٹ کے مطابق حامد کرزئي نے کل کابل میں اسلامی جمہوریہ ایران کے وزیر داخلہ مصطفی محمد نجار سے ملاقات میں اسلامی جمہوریہ ایران کو سراہتے ہوۓ افغانستان میں منشیات کی پیداوار اور اسمگلنگ کی روک تھام کی کوششوں میں اضافے کی ضرورت پر بھی تاکید کی۔ کرزئي نےاس بات پر تاکید کرتے ہوۓ کہ منشیات کی پیداوار اور اسمگلنگ خطے کے لۓ تشویش کا باعث بن چکی ہے تاجیکستان اور روس سے مطالبہ کیا کہ وہ بھی منشیات سے مقابلے کی مہم میں شامل ہو جائيں۔ واضح رہے کہ اسلامی جمہوریہ ایران کے وزیر داخلہ مصطفی محمد نجار منشیات کی پیداوار اور اس کی اسمگلنگ کی روک تھام سے متعلق بلاۓ جانے والے ایران ، افغانستان اور پاکستان کے سہ فریقی اجلاس میں شرکت کے لۓ اتوار کی رات کو کابل پہنچے۔ مصطفی محمد نجار نے اس اجلاس میں افغانستان میں امریکہ اور نیٹو کے فوجیوں کی موجودگی کو افغانستان میں جاری بدامنی کا سب سے بڑا سبب قرار دیا اور کہا کہ دس سال پہلے کی نسبت اب افغانستان میں منشیات کی پیداوار میں چالیس گنا اضافہ ہوگیا ہے۔

Comments are closed.