نیٹو کا پاکستان پر حملہ دفاعی تھا: برطانوی اخبار

Posted: 29/11/2011 in All News, Pakistan & Kashmir, USA & Europe

لندن: برطانوی اخبار گارڈین نے افغانستان میں موجود مغربی حکام کے حوالے سے انکشاف کیا ہے کہ پاکستان کی فوجیوں چوکیوں پر ہفتے کی صبح کیا جانے والا حملہ نیٹو نے اپنے دفاع میں کیا تھا۔ برطانوی اخبار نے کابل میں موجود مغربی حکام کے حوالے سے مزید کہا کہ افغانستان کے پہاڑی صوبے کنٹر میں امریکی و اتحادی فوج جو کہ گشت پر موجود تھی اس پر نامعلوم افراد نے حملہ کیا جس کے جواب میں کارروائی کی گئی۔ مغربی اہلکار کے مطابق حملہ نیٹو کی زمینی فوج کی کال پر کیا گیا تھا جس میں بھاری اسلحہ استعمال کیا گیا۔ اخبار نے مغربی حکام کے حوالے سے مزید کہا کہ کارروائی میں ہیلی کاپٹروں اور جیٹ طیاروں نے بھی حصہ لیا۔

Comments are closed.