نیٹو نے پاکستان کی سالمیت پر حملہ کیا، چین

Posted: 29/11/2011 in All News, China / Japan / Koriea & Others, Important News, Pakistan & Kashmir, Russia & Central Asia, USA & Europe

چین نے پاکستان کی خودمختاری اور سالمیت کے احترام کی ضرورت پر زور دیتے ہوئے کہا ہے کہ نیٹو افواج کے سرحد پار حملے میں چوبیس پاکستانی فوجیوں کی ہلاکت پر اسے شددید دکھ اور تشویش ہے۔ پیر کو وزارت خارجہ کے ترجمان ہونگ لی نے ایک بیان میں اس حملے کا نشانہ بننے والوں کے ساتھ تعزیت کا اظہار کرتے ہوئے اس واقعہ پر سخت تشویش کا اظہار کیا ہے۔ چین کا کہنا ہے کہ پاکستان کی آزادی، خودمختاری اور علاقائی سالمیت کا احترام کیا جانا چاہیئے اور اس واقعہ کی مفصل تحقیقات کرنے کے ساتھ ساتھ اس سے نمٹنے میں احتیاط برتی جائے۔ پاکستان نے نیٹو کے حملے پر سخت ردعمل کا اظہار کیا ہے اور اس پیش رفت سے افغانستان میں جاری جنگ کو سمٹنے کی امریکہ کی کوششیں متاثر ہونے کا خدشہ ہے۔ نیٹو نے اس حملے کو ایک غیر ارادی سانحہ قرار دیتے ہوئے کہا ہے کہ اس کی تحقیقات جاری ہیں۔ پاکستانی فوج کے ترجمان میجر جنرل اطہر عباس نے نیٹو کے اس دعوے کو مسترد کیا ہے کہ اتحادی افواج نے سرحد پار سے ان پر ہونے والی فائرنگ کے جواب میں یہ کارروائی کی تھی۔ چینی وزارت خارجہ کا کہنا ہے کہ چین نیٹو حملے کو پاکستان کی سالمیت پر حملہ تصور کرتا ہے اور اس واقعے کی مکمل تحقیقات ہونی چاہئے۔

Comments are closed.