یمن: نائب صدر عبد ربہ منصور ہادی, موجودہ بحران کو فوجی طریقے سے حل نہیں کیاجاسکتا

Posted: 28/10/2011 in All News, Important News, Saudi Arab, Bahrain & Middle East, Tunis / Egypt / Yemen / Libya

یمن کے نائب صدر عبد ربہ منصور ہادی نے اعتراف کیا ہےکہ موجودہ بحران کو فوجی طریقے سے حل نہیں کیاجاسکتا۔ یمن کے نائب صدر نے صنعا میں یورپی یونین کے نمائندے سے ملاقات میں کہا کہ یمن کے بحران کو فوجی طریقے سے حل کرنے کی کوشش ناکام ہوکر رہے گي۔ عبدربہ ہادی منصور نے کہا کہ قومی مذاکرت، اور قومی اتحاد اورامن قائم کرنے کی غرض سے فوج کو بیرکوں میں واپس بھیجنے سے ملک کو سخت حالات سے نجاد دی جاسکتی ہے۔ قابل ذکر ہے کہ یمن کے نائب صدر کا یہ بیان ایسے حالات میں سامنے آیا ہےکہ ڈکٹیٹر علی عبداللہ صالح کے حکم سے فوجیں بدستور مظاہرین کو کچل رہی ہیں۔ ملت یمن نے رواں برس سے علی عبداللہ صالح کی بتیس سالہ حکومت کے خلاف احتجاج شروع کیا تھا۔ یمن کے ڈکٹیٹر کو امریکہ اور سعودی عرب کی حمایت حاصل ہے۔

Comments are closed.