ایران:امریکہ کامقصدصیہونیوں کومحفوظ رکھناہے

Posted: 28/10/2011 in All News, Breaking News, Iran / Iraq / Lebnan/ Syria, Palestine & Israel, Saudi Arab, Bahrain & Middle East, USA & Europe

اسلامی جمہوریہ ایران کی وزارت خارجہ کے ترجمان مہمان پرست نے کہا ہے کہ ایران کے خلاف امریکہ کاحالیہ سناریو تہران ریاض کے درمیان کشیدگي پیدا کرنے کی غرض سے شروع کیا گيا ہے۔ رامین مہمان پرست نےآئي آر آئی بی کے بین الاقوامی چینل جام جم سے گفتگو میں کہا کہ امریکہ کی جانب سے ایران پریہ الزام کہ ایران واشنگٹن میں سعودی سفیر کے قتل کے منصوبے میں ملوث ہے ایک ایسا سناریو ہے جس کا مقصد صیہونی حکومت کے بنیادی خطرے سے رائے عامہ کی توجہ ہٹانا ہے۔ انہوں نے کہا کہ امریکی حکام یہ سوچتے ہیں کہ انہیں بے بنیاد اور سفید جھوٹے الزامات لگانے کی کوئي قیمت ادا نہیں کرنی پڑے گي جبکہ انہیں یہ بھی احساس نہیں ہے کہ وہ اپنا اعتبار کھو رہے ہیں۔ اسلامی جمہوریہ ایران کی وزار ت خارجہ کے ترجمان نے ایران کے بارے میں اقوام متحدہ کے خصوصی رپورٹر کی رپورٹ کے بارے میں کہا کہ دنیا کا کوئي بھی ملک اسلامی جمہوریہ ایران کی طرح انسانی کرامت و وقار اور شان کا احترام نہیں کرتا۔ انہوں نے کہا کہ ایران اپنے اسلامی اعتقادات اور اقدار کی رو سے وہ سارے اقدامات انجام دیتا ہے جو انسانی حقوق کے احترام کے لئے ضروری ہیں۔

Comments are closed.