کراچی،30 افراد کے قتل میں ملوث مذہبی و سیاسی جماعتوں کے 5 ٹارگٹ کلرز گرفتار

Posted: 26/10/2011 in All News, Important News, Local News, Pakistan & Kashmir, Religious / Celebrating News

کراچی: ایس ایس پی سی آئی ڈی چوہدری اسلم کے مطابق پولیس نے خفیہ اطلاع ُ پر شہر کے مختلف علاقوں میں چھاپہ مار کارروائیوں کے دوران پانچ ملزمان محمد عادل اسلم، ناصر قادری، زین العابدین اور پٹھان خان کو گرفتار کر کے ایک کلاشنکوف اور دیگر جدید اسلحہ برآمد کیا ہے۔  سی آئی ڈی پولیس نے کراچی کے مختلف علاقوں سے تیس افراد کے قتل میں ملوث پانچ ٹارگٹ کلرز کو گرفتار کر لیا، ملزموں کا تعلق مذہبی و سیاسی جماعتوں سے ہے۔ سی آئی ڈی پولیس کے مطابق خفیہ اطلاعات پر مختلف علاقوں میں کارروائی کے دوران پانچ ملزموں اسلم، ناصر قادری، نعمان، ضیاء العابدین اور عادل کو گرفتار کر کے ان کے قبضے سے ایک کلاشنکوف، دو ٹی ٹی پستول اور ایک نائن ایم ایم پستول برآمد کر لیا۔ گرفتار ملزموں نے ابتدائی تفتیش میں تیس افراد کے قتل کا اعتراف کیا ہے۔ ملزموں میں سے تین کا تعلق مذہبی اور دو کا سیاسی جماعتوں سے ہے، ملزموں سے مزید تفتیش جاری ہے۔ دیگر ذرائع کے مطابق ایس ایس پی سی آئی ڈی چوہدری اسلم کے مطابق پولیس نے خفیہ اطلاع ُ پر شہر کے مختلف علاقوں میں چھاپہ مار کارروائیوں کے دوران پانچ ملزمان محمد عادل اسلم، ناصر قادری، زین العابدین اور پٹھان خان کو گرفتار کر کے ایک کلاشنکوف اور دیگر جدید اسلحہ برآمد کیا ہے۔ چوہدری اسلم کے مطابق گرفتار ملزمان میں سے تین کا تعلق ایک مذہبی جماعت اور دو کا تعلق ایک سیاسی جماعت سے ہے۔ پولیس کے مطابق ملزمان تیس سے زائد افراد کے قتل میں ملوث بتائے جاتے ہیں۔

Comments are closed.