بیگم نصرت بھٹو کی دلیرانہ سیاسی جدوجہد کو خراج تحسین پیش کرتے ہیں، ماشاءاللہ شاکری

Posted: 26/10/2011 in All News, Important News, Iran / Iraq / Lebnan/ Syria, Local News, Pakistan & Kashmir

اسلام آباد: تعزیتی کتاب میں اپنے تاثرات میں پاکستان میں ایران کے سفیر کا کہنا تھا کہ سابق خاتون اول کی موت پاکستانی عوام کے لئے ایک عظیم صدمہ ہے، ایرانی قوم اور حکومت اس غم میں پاکستان کے ساتھ برابر کی شریک ہے۔  بیگم نصرت بھٹو کے انتقال پر آج ایوان صدر میں مختلف ممالک کے سفیروں نے تعزیتی کتاب میں اپنے تاثرات قلمبند کئے۔ اس موقع پر پاکستان میں ایران کے سفیر ماشاءاللہ شاکری نے بھی تعزیتی کتاب میں اپنے تاثرات درج کئے۔ اس موقع پر انہوں نے کہا کہ نصرت بھٹو کی وفات پوری پاکستانی قوم اور بھٹو خاندان کے لئے ایک بہت بڑا نقصان ہے۔ انہوں نے ایرانی نژاد بیگم نصرت بھٹو کی دلیرانہ سیاسی جدوجہد کو خراج تحسین پیش کیا۔ انہوں نے سابق خاتون اول کی موت کو پاکستانی عوام کے لئے ایک عظیم صدمہ قرار دیا اور کہا کہ ایرانی قوم اور حکومت اس غم میں پاکستان کے ساتھ برابر کی شریک ہے۔

Comments are closed.